د ځمکو چارو لوی رییس د کدستر ریاست د مرکزي او ولایتي څانګو چارواکو سره وکتل
د کرنې، اوبولګولو او مالدارۍ وزارت د ځمکو چارو ادارې لوی رییس ملا عبدالرحمن رحماني ددې ادارې د کدسټر ریاست له مرکزي او ولایتي چارواکو سره په کتنه کې پر بېلابېلو موضوعاتو خبرې اترې وکړې.
په هغه غونډه کې چې د کرنې، اوبولګولو او مالدارۍ وزارت د ځمکو ریاست په مقام کې جوړه شوې وه، د ځمکو رياست لوی رئیس ښاغلي ملا عبدالرحمن رحماني د کدستر رياست د ولایتي چاروکو د فعالیتونو راپور، ستونزې اوړاندیزونه واورېدل او دوی ته په اړوندو برخو کې لازمې لارښوونې وکړې.
په دې لیدنه کې د کدستر څانګې چارواکو سربېره پردې چې د خپلو کارونو او فعالیتونو په اړه بشپړ معلومات وړاندې کړل د یادې برخې د لا پیاوړتیا لپاره يې خپل وړاندیزونه د ځمکو ادارې له مشرتابه سره هم شریک کړل.
په همدې حال کې دکرنې وزارت د ځمکو ادارې لوی رییس د یادو څانګو چارواکو سره د هر ډول همکاریو ژمنه وکړه.
