ننګرهار کې کروندګرو ته روزنه ورکړل شوه
۱۶ غویی ۱۴۰۲ه.ش
۱۵ شَوّال المُکَرَّم ۱۴۴۴ ه.ق
د ننګرهار ولایت د چپرهار ولسوالۍ اړوندو کروندګرو ته د غنمو قطاري کښت په برخه کې روزنه ورکړل شوه.
د چپرهار ولسوالۍ د کرنیزو خدمتونو مسؤلینو له لورې د یادې ولسوالۍ د حافظانو اخوند په کلي کې لسګونو کروندګرو ته د غنمو د قطاري کښت، ننداریزو کروندو کې دغنمو قطاری کرنې لاښه ترویج او د نوي ټکنالوژۍ کارونې او همدارنګه د قطاري او شیندنې کرنې پر توپیرونو، ارزښت، ښیګڼو، کرنیزو عملیو، اوبولګولو، هرزه بوټو کنټرول او حاصل ټولولو په اړه تفصیلي مالومات ورکړل شول.
همدا رازد کرنیزو خدمتونو مسولینو له لوري بزګران دیته وهڅول شول ترڅو په راتلونکي کې غنم د قطار په بڼه وکري او د ډیر حاصل ترڅنګ وکولې شي د خوړو خوندیتوب رامنځته او د غلو دانو په برخه کې پر ځان بسیا او د نورو له احتیاجه خلاص شی .
په یاده ولسوالۍ کې د کرنې ریاست په همکارۍ د ترکیې هیواد په مالي لګښت د غنمو دوه ننداریزي کروندې کرل شوي، چي بزګران تري خوښ دي او تمه ده ډیر حاصل به ترلاسه کړي.
دیادونې وړ ده چې د چپرهار ولسوالۍ بزګرانو ژمنه وکړه، چې په راتلونکې کې به غنم د قطار په بڼه و کري.
