خوست کې د ځمکې د غصب مخنیوی او غصب شویو ځمکو د بېرته را ګرځولو تخنیکي پلاوي غونډه
خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه او پر بېلابېلو موضوعاتو هر اړخیزې خبرې وشوې.
په دې غونډه کې پر داخلي موضوعاتو لکه د خیال بدن موضوع، د مرکز او ولسوالیو په ګډون په ټولو امارتي املاکو کې، په کدستر کې ثبت قطعاتو کې او هم په عامه مالچر کې د یوشمېر اشخاصو لخوا د نوی تصرفاتو د بندولو په اړه ازاده خبرې اترې وشوې.
همدارنګه دمرکز او ولسوالیو ټولو جوماتونو خطیبانو ته د هدایت په مورد چې دوی به راتلونکی جمعې او اخترلمانځونو په تقریرونو کې خلکو ته د امارتي املاکو د غصب مخنیوی او په هغې کې د هر ډول تصرفاتو بندول د شریعت له نګاه څخه تشریح کړي.
دغه رازغونډه کې هدایت وشو چې راتلونکي غونډه کې به د قوماندان امنیه سره دمرکز په ګډون ټولو ولسوالیو کې امارتي املاکو کې د خلکو لخوا دنوي تصرفاتو د بندولو موضوع باندې خبرې وشوې.
باید وویل شي، چې د ځمکو د غصب د مخنيوي کميټې تر دې دمه په خوست ولایت کې د ډېرو امارتي ځمکو د غصب مخنيوی کړی او د ټول ولايت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
