د لوګر دکرنې ریاست: د شهیدانو غونډی کې ۸۶۰۰ نیالګي کرل شوي
۲۳ وری ۱۴۰۲ه.ش
۲۱ رَمَضانُ المُبارَک ۱۴۴۴ ه.ق
د لوګر دکرنې، اوبولګولو او مالدارۍ ریاست وایي، چې ددې ولایت مرکز پل علم اړوند د شهیدانو غونډی کې تر دې دمه ۸۶۰۰ مېوه لرونکي او بې مېوې نیالګي اېښودل شوي دي او دا لړۍ اوس هم روانه ده،
په همدې موخه د لوګرولایت مرستیال والي مولوی عنایت الله شجاع په داسې حال کې، چې دلوګر دکرنې، اوبولګولواومالدارۍ رییس یې هم ملتیاکوله د لوګر مرکزپل علم ته څېرمه دشهیدانوتپې له چارو لیدنه وکړه.
د لوګر مرستیال والی دلیدنې په لړ کې دلوګر دکرنې ریاست مسؤولینوله زحماتو او کړنو د مننې ترڅنګ زیاته کړه، چې هڅه به وکړي تر څو ددغې تپې د زرغونتیا سره سره به پرې د سیاحت او سیاحینو لپاره ګڼې اسنتیاوې برابرې کړي.
باید وویل، شي چې دلوګر د کرنې ریاست له لوری اود ولایت مقام سره په همغږۍ دغې تپې ته د ا.ا.ا مسؤولینو په حضور کې د تېر ۱۴۰۰ ه.ش کال پیل سره سم د شهیدانو تپې په نوم ونومول شوه اودنیال کینولوچارې یې رسماُ پیل شوې، چې لاهم دوام لری.
