پکتیا کې پر ۴۰ کسانو د حفظ الصحې توکي ووېشل شو
۲۳ وری ۱۴۰۲ه.ش
۲۱ رَمَضانُ المُبارَک ۱۴۴۴ ه.ق
د پکتیا دکرنې، اوبولګولو او مالدارۍ ریاست د افغانستان لپاره د هالنډ کمېټې په همکارۍ ددې ولایت مرکز کې پر ۴۰ تنو قصابانو، سبو پلورونکو او قنادیانو د حفظ الصحې توکي وېشلي دي.
په وېشل شویو توکو کې «ډیټول صابون، ماسک، د لاس مینځلو مایع، سنټایزر او دستکشې» شامل دي.
په دې اړه جوړه شوې غونډه کې د پکتیا ولایت د کرنې، اوبولګولو او مالدارۍ رییس مولوي عبدالرؤف سعید، دطبیعي سرچینو آمر زاهب الله ارسلا، د افغانستان لپاره د هالند کمیټی استازو، قصابانو، سبو پلورونکو او قنادیانو ګډون درلود.
د پکتیا ولایت دکرنې، اوبولګولو او مالدارۍ ییس مولوی عبدالرؤف سعید ګډونوالو ته د حفظ الصحې په برخه کې هر اړخیزه معلومات واورول او زیاته یې کړه، چې د ورځې په جریان کې لږ تر لږه ۲ ثانیو لپاره خپل لاسونه په مکرر ډول په صابون او اوبو سره ومینځئ، او یا د لاسونو الکولي ضد عفوني کوونکو څخه کار واخلئ، د پوزې، خولې او سترګو سره د نامینځل شوې لاسونو له تماس څخه مخنیوی وکړئ، د کار په سیمه کې، چې خلکو سره مخ کیږئ باید ماسک واغوندئ.
په همدې حال کې له دغو مرستو برخمن شوي کسان د پکتیا ولایت د کرنې، اوبولګولو او مادارۍ ریاست له دوامداره هکاریو څخه مننه وکړه او د کرنې ریاست کړنی یی وستایل.
