د پکتیا منډهېر تفریحي ملي پارک په قرار داد ورکړل شو

د پکتیا دکرنې، اوبولګولو او مالدارۍ ریاست وایي، چې د پکتیا د ځاځي اریوب ولسوالی د منډهېر تفریحي ملي پارک ګټونکي شرکت ته د شرطنامې مطابق د یو کال لپاره په قرار داد ورکړل شو.
 د یاد پارک د قرار داد د ورکړې په مراسمو کې د پکتیا مرستیال والي مولوي انعام الله صلاح الدین وویل: «د دغه تفريحي پارک د قرارداد چارې د ازادې داوطلبي له لارې په شفاف ډول تر سره  شوې، چې د کټونکي شرکت لخوا به سېلانیانو لپاره به بېلابېل برخو کې لازم سهولتونه ولري».
د پکتیا ولایت دکرنې، اوبولګولو او مالدارۍ رییس مولوي عبدالرؤف سعید د خپلو خبرو پرخت وویل د رسنیو او سوشل میډیا له لارې مو اعلان خپر کړی و، چې د شپږو ساختماني شرکتونو له جملې څخه د (نوی عبدالله امان ځاځي) شرکت د شرطنامې مطابق او د لوړې فیصدي په ورکولو سره د ازاد سیالۍ له لارې ګټونکي شو.
د یادي داوطلبي د شفافیت په اړه د نور شرکتونو مسؤلینو هم خپل خوښې وښوده دوی د ا.ا په بريا پۀ ټولو قراردونو کې پام وړ شفافيت رامنځته شوی او د ياد قرارداد د داوطلبۍ پروسه هم په بشپړ شفافيت د ولايت مقام د رهبري تر نظارت لاندې تر سره شوه.
د ګټونکي شرکت مسؤل د ولایت مقام رهبرې او خلکو ته ډاډ ورکړ، چې د ياد پارک ټولې چارې به  د شرطنامې مطابق پرمخ یوسي او سيلانيانو ته لازمې اسانتياوې رامنځته کړي.
 د پکتیا په ځاځي اریوب ولسوالی کې د منډهېر ملي پارک، چې په اخترونو او نور ملي ورځوکې زره ګونه خلک د هېواد له بېلابېلو ولایتو څخه د چکر او تفریح لپاره ورځي، چې د سیمې له طبيعي منظرو او ښکلا ګانو خوند اخلي.