د پکتیکا ولایت د ځمکې غصب مخنیوی او غصب شویو ځمکو د بېرته راګرځولو کمېټې کړنې

پکتیکا ولایت کې د ځمکې غصب مخنیوی او غصب شویو ځمکو د بېرته راګرځولو کمېټه خپله دوویشتمه غونډه ددې ولایت د خوشامند ولسوالی په مقام کې دائره او پر هر اړخیزو موضوعاتو خبرې اترې وکړې.
دغه غونډه، چې د پکتیکا دکرنې او د تخنیکي ټیم رییس په مشرۍ دائره شوې وه په کې د د ځمکې غصب مخنیوی او غصب شویو ځمکو د بېرته راګرځولو تخنیکي ټیم غړي او د یادې ولسوالۍ سیمه ییزو چارواکو شتون درلود.
په دې غونډه کې د پکتیکا دکرنې رییس د ځمکې غصب مخنیوی او غصب شویو ځمکو د بېرته راګرځولو تخنیکي ټیم دکړنو په هکله د خوشامند ولسوالی چارواکو ته معلومات وړاندې کړل او ویې ویل: «ددې ټیم دنده داده، چې امارتي ځمکې له غاصبینو خلاص کړي، هغه که د هرارګان اړوند وي، زموږ راتک ستاسو ولسوالی ته په همدې موخه ده، چې د کرنې مدیریت تر مشرۍ لاندې د ځمکې غصب مخنیوی او غصب شویو ځمکو د بېرته راګرځولو تخنیکي ټیم جوړ کړو، او ستاسو څخه مې غوښتنه داده، چې له دې ټیم سره هر اړخیزې همکارۍ وکړئ.»
ورپسې د پکتیکا دعدلیې رییس په خپلو خبرو کې وویل، چې هر چاچې په خپل سر ځمکې تصرف کړی وي او کوم شرعي اسناد ورسره نه وي هغه دې د دې ځمکې معلومات له یاد ټیم سره شریک کړي.
په همدې حال کې د دې ولسوالی چارواکو د ځمکې غصب مخنیوی او غصب شویو ځمکو د بېرته راګرځولو کمېټې رییس او غړو ته د هر راز همکاریو ډاډ ورکړ.