د ځمکو چارو ادارې اداري غونډه دائره شوه
۱۵ لېندۍ ۱۴۰۱ه.ش
۱۲ جمادي اﻷول ۱۴۴۴ ه.ق
دکرنې، اوبولګولو او مالدارۍ وزارت د ځمکو چارو ادارې اداري غونډه ددې ادارې سرپرست ملا عبدالرحمن رحماني په مشرۍ د جیوډیزي، کډسټر، قبالو او استملاک رییسانو، د ځمکو چارې ادارې د بېلابېلو ریاستونو چارواکو، آمرینو او یوشمېر کارکوونکو په شتون کې دائره شوه،
په دې غونډه کې د کرنې وزارت د ځمکو چارو سرپرست ملاعبدالرحمن رحماني په یاده اداره کې د شته ستونزو د حل او هېوادوالو ته د غوره چوپړتیاوو وړاندې کولو په موخه د ټینګار ترڅنګ وویل، چې ټول رییسان مکلف دي، چې د خپلو اړوندو ادارو د همکارۍ غونډې په لاره واچوي.
ښاغلی رحمانی په ټولو کاري برخو کې پر روڼتیا د ټینګار ترڅنګ د اړوندو ادارو له ټولو مسوولينو يې وغوښتل، چې د يادې ادارې د موخو د پوره کولو په برخه کې هلې ځلې وکړي.
ملا عبدالرحمن رحماني د داسې غونډو جوړول د یادې ادارې د موخو د ترلاسه کولو، د ستونزو حل او د ریاستونو ترمنځ د همغږۍ د کچې د لوړولو لپاره ارزښتناکه وباله او له اړوندو چارواکو وغوښتل، چې خپل وړاندیزونه په کتبي توګه د یادې ادارې مقام ته واستوي.
