د خصوصي سکټور د پراختیا رییس معرفي شو
۲ لېندۍ ۱۴۰۱ه.ش
۲۸ ربیعالثاني ۱۴۴۴ ه.ق
دکرنې، اوبولګولو او مالدارۍ وزارت د خصوصي سکټور د پراختیا رییس د ځمکو چارو ریاست مرستیال ملا عبدالرحمن رحماني له خوا ددې ادارې کارکوونکو ته ور وپېژندل شو.
د ځمکو چارو ریاست مرستیال ملا عبدالرحمن رحماني نوی ګمارل شوی رییس ضیا الحق ضیا په پژژند غونډه کې د ده د تېرو کړنو په هکله خبرې وکړې او هیله یې وښودله چې خلکو ته د لازیاتو چوپړتیاوو وړاندې کولو جوګه شي.
هغه وویل: «: په اداراتو کې بدلون یو اصل دی او دا کار د فعالیتونو د ښه والي او غوره خدمتونو د وړاندې کولو په موخه ترسره کیږي. له همدې امله د کرنې، اوبولګولو او مالدارۍ وزارت د رهبری په وړاندیز او د افغانستان د اسلامي امارت په منظورۍ ښاغلي ضیاء الحق ضیاء د خصوصی سکټور د پراختیا رئیس په توګه وټاکل شو.»
ورپسې د اجارې او پانګونې لوی رییس ښاغلي ملا محمد ظاهر امین له نوي مقرر شوي رییس سره د هر ډول همکارۍ ژمنه وکړه او زیاته یې کړه: «د اسلامي امارت د مشرتابه لارښوونو ته په کتو اړتیا ده په مهمو برخو کې مسلکي او با تجربه کسان وګمارل شي ترڅو له دې لارې هېوادوالو ته د ښه خدمات وړاندې کول او د عالي مقام هدایات په موثره توګه ترسره شي».
په آخر کې د ځمکو چارو سرپرست معین په ټولو کاري برخو کې پر شفافيت ټینګار وکړ او له ټولو کارکوونکو په ځانګړي ډول د خصوصي سکتور له رییس څخه یې وغوښتل، چې د دغه ریاست د موخو د پوره کولو لپاره هر اړخیزې هڅې وکړي او غونډه په دعایې سره پایته ورسېد.
