ننګرهار: د اماراتی، سلطاني، مرعي او وقفي ځمکو د غصب څخه د راګرځولو تخنيکي پلاوی غونډه
۹ لړم ۱۴۰۱ه.ش
۴۵ ربیعالثانی ۱۴۴۴ ه.ق
د امیرالمؤمنین حفظه الله د حکم په اساس او د ننګرهار ولایت مقام د هدایت سره سم د ننګرهار د کرنې، اوبولکولو او مالدارۍ ریاست مقر کې د دی ریاست د ريیس مولوی عبدالستار محمد تر مشرۍ لاندې د اماراتی، سلطانې، مرعي او وقفی ځمکو د غصب څخه د راګرځولو تخنيکي پلاوی خپله لومړنۍ غونډه تر سره کړه.
غونډه کې د اماراتی، سلطانې، مرعي او وقفي ځمکو د غصب څخه د راګرځولو تخنيکي پلاوی، سکرتریت ته دنده وسپارل شوه تر څو په ننګرهار کې د ټولو غصب شوو ځمکو په اړه معلومات راټول او راتلوونکې غونډې ته یي د تصمیم نیونې لپاره وړاندې کړي.
دغه تخنیکي پلاوی چې په ترکیب کې د ننګرهار کرنې، اوبولګولو او مالدارۍ ريیس د رییس په توګه، د عدلیې رییس، مستوفیت ريیس، ښارجوړونۍ رییس، حج اوقاف رییس، کاراو ټولنیزو چارو ريیس، څارنوالۍ رییس، امنیه قومندانې او قضایاوو رییس د غړی په توګه شامل دي.
د تخنیکي پلاوی غړو پریکړه وکړه چې د امیرالمؤمنین حفظه الله د حکم په تطبیق کې به د هر ډول امکاناتو څخه په استفادې سره د اماراتي، سلطانې، مرعي او وقفي ځمکو د غصب څخه د بېرته راګرځولو کې ګوټلي ګامونه پورته کړي او عاملین به يې د قانون منګلو ته وسپاري.
