لوګر کې بزګرانو ته د سرې او غنمواصلاح شویو تخمونو د وېش لړۍ پیل شو

۲۴ تله ۱۴۰۱ه‍.ش
۲۰ ربیع‌الاول ۱۴۴۴ ه‍.ق
د لوګر دکرنې، اوبولګولو او مالدارۍ ریاست د (FGA) مؤسسې په همکارۍ ددې ولایت پر یوشمېر بزګرانو د کیمیاوي سرو او د غنمو د اصلاح شویو تخمونو د وېش لړۍ پیل کړی دی.
په دې اړه جوړه شوې غونډه کې د لوګر دکرنې رییس مولوی سیدامین هاشمي، د ترویج آمر محمدرفیع ابراهیمي د (FGA) ولایتي مسوول انجنیر مصطفی تسل او د لوګر ولایت مرکز اړوند یوشمېر بزګرانو ګډون کړي وو. 
د لوګر دکرنې رییس مولوی سیدامین هاشمي بزګرانو ته په خطاب کې وویل، چې وېشل شوي تخمونه دې له لار ښوونې سره سم وکري ترڅو یې حاصلات لا زیات شي.
په همدې حال کې د (FGA) مؤسسې ولایتي مسوول هم په خپلو خبرو کې د لارښوونې ترڅنګ زیاته کړه، چې له وېش روسته به هرې سیمې ته د لازمو لارښوونو لپاره ټیمونه ځي او هلته به بزګرانو ته لازمې لارښوونې وکړې او وخت ناوخته به یې څارنه کوي.
باید وویل شي، چې ددې پروګرام په ترڅ کې د لوګر ولایت د محمدآغې، برکي برک، څرخ او خوښۍ ولسوالیو کې په ۲۲۳۴ بزګرانو په هر بزګر ۵۰ کیلو ګرامه د غنمو اصلاح شوي تخمونه او ترڅنګ یې ۵۰ کیلوګرامه سپیه او ۵۰ کیلوګرامه ډي،پي،آي سره وېشل کېږي.