ننګرهار کې د شولو، جوارو، سویابینو او میؤو د کروندې ورځ ترسره شوه
۱۸ زمری ۱۴۰۱ه.ش
۱۱ محرم الحرام ۱۴۴۴ ه.ق
د ننګرهار د کرنې، اوبولګولو او مالدارۍ ریاست اړوند د کرنیزو خدمتونو امریت له لوري، د شیشم بڼ څېړنیز فارم کې د شولو، جوارو، سویابینو او میؤو د کروندې ورځ جوړه شوه.
د ننګرهار د کرنې، اوبولګولو او مالدارۍ ریاست رئيس مولوی عبدالستار محمد د کروندې د ورځي په اهمیت رڼا واچوله او زیاته يي کړه، چې د دغسې ورځو په دایرولو سره کولو شو چې خپلي تجربې، لاسته راوړنې او ستونزې یو له بل سره شریکي کړو.
هغه وويل: "اړینه ده، چې د ولسوالیو په کچه هم باید د کروندې ورځې جوړې شي تر څو بزګران تشویق او وکولاي شي، چې د نوي تکنالوژۍ سره اشنا او خپلی تجربې یو له بل سره شریکې کړي".
وروسته د کرنیزو خدمتونو امر نعمت الله اکبري او د څېړنیز فارم متخصصینو لخوا د کروندو او تجاربو په اړه معلومات ګډونوالو سره شریک شول.
په ورته مهال د ننګرهار د کرنې، اوبولګولو او مالدارۍ ریاست رئيس مولوی عبدالستار محمد د څېړنیز فارم د خاورو لابراټوار او د تخمونو د پاکولو پروسه هم له نږدې وکتل.
