عبدالهادي رفیعي، د کرنې وزارت د نوي مالي او اداري مرستیال په توګه معرفي شو
۲۷ چنګاښ ۱۳۹۸
عبدالهادي رفیعي، د کرنې، اوبولګولو او مالدارۍ وزیر نصیر احمد درانی له خوا رسماً دکرنې وزارت د مالي او اداري چارو مرستیال په توګه معرفي شو.
په هغه غونډه، کې چې د ښاغلي رفیعي د پېژندنې په موخه دکرنې وزارت د پلان په تالار کې جوړه شوې وه، په کې دکرنې وزیر نصیر احمد دارنی، رییسانو، او د کرنې وزارت یو شمېر سلاکارانو او کارکوونکو شتون درلود.
په دې غونډه کې دکرنې وزیر نصیر احمد درانی د دې وزارت د مالي او اداري معینیت پخوانی چارسمبال محمدطاهر ایوب له کړنو او فعالیتونو ستاینه وکړه او عبدالهادي رفیعي ګډوالو ته ور وپېژندل.
د کرنې وزیر وویل: «کومې کړنې چې ښاغلي ایوب په تېر یوه کال کې ترسره کړئ دی، د ننه په وزارت او بهر کې د هغو کړنو فزیکي تغییرات وینو، ورته په چارو کې د لابریا غوښتنه کوم.»
د کرنې وزیر همداراز وویل: «ښاغلی رفیعي ته ښه راغلاست وایم، او له تاسو غواړم چې له نوی مرستیال سره همکاري وکړئ او ښه اړیکې ورسره وپالئ.»
په ورته وخت کې د کرنې وزارت د بشري سرچینو مشر او د مالي او اداري معینیت پخوانی چارسمبال محمد طاهر ایوب وویل: «دغه مقام مسوولیت و نه کوم امتیاز، ستاسو له همکاریو د زړه له کومې مننه کوم، او غواړم لکه څنګه چې له ماسره مو همکاري کوله له نوی مرستیال سره هم همکاري وکړئ،»
وروسته د کرنې وزارت د مالي او اداري چارو نوی مرستیال خبرې وکړې: «د جلالت ماب ولسمشر او د کرنې وزیر له بارو څخه مننه کوم، چې دا مسوولیت یې ماته راپه غاړه کړه، پوهیږم چې د کرنې وزارت همکاران پوه، متخصص او زړه سواندي دي، ژمنه کوم، چې ټول تعلقات به لري پرېږدم او ښه همکار به ووسم، له متقابل همکارۍ پرته نه شو کولای چې چارې په سمه توګه پرمخ یوسو.
باید وویل، شي، چې ښآغلی رفیعي د هېواد له ځوانو کدرونو څخه دی، چې تر دې وړاندې د تولګټو وزارت د مالي او اداري چارو مرستیال او همداراز د بغلان د ولایت مرستیال به توګه کار کړئ.
