د کمالخان بند پرانیسته او د اوبو مدیریت ملي ورځ مو مبارک
نن، د ۱۴۰۰ کال د وري څلورمه، ددې ترڅنګ چې د اوبو مدیریت ملي ورځ ده، داسې پېښه ده چې په تاریخ کې ثبتېږي. دا پېښه د کمالخان د بند پرانیسته ده، چې هېوادوال په ځانګړې توګه د هېواد بزګرانو یې له لسیزو را په دې خوا د بشپړېدو هیله لرل.
د کمالخان بند په پرانیستې سره، څه باندې ۱۷۴ زره هکټاره ځمکه خړوبه او کرکېلي ته چمتو کېږي.
په ډاډ سره ولی شم، چې دا بند د نیمروز ولایت د هېواد په یوبل کرنیز قطب بدلوي.
د لا زیاتو ځمکو خوړوبېدل او د تولید زیاتوالی، د هېواد بزګرانو او مالدارانو ته، د روښانه راتلونکې پېلامه ده.
ټولو هېوادوالو په ځانګړې توګه ګرانو بزګرانو ته د اوبو مدیریت د ملي ورځې او د کمال خان د ارزښتناک او له اهمیته ډک بند د پرانیستې مبارکي وایم.
د ځان بسیا افغانستان په هیله
د کرنې، اوبولګولو او مالدارۍ وزیر
ډاکټر انوارالحق احدي
