خوست کې د لندرو د آبریزې پروژه ګټې اخیستنې ته وسپارل شوه

content_admin
چهارشنبه ۱۳۹۹/۱۲/۶ - ۱۳:۲۴
خوست کې د لندرو د آبریزې پروژه ګټې اخیستنې ته وسپارل شوه

۵ کب ۱۳۹۹
د خوست د کرنې، اوبولګولو او مالدارۍ ریاست وایي، چې ددې ولایت د علیشېرو ولسوالۍ د لندرو د آبریزې د پروژې چارې بشپړ او ګټې اخیستنې ته وسپارل شوه.
په دې اړه جوړه شوې غونډه کې د خوست مرستیال والي عبدالواحد پټان، د خوست د کرنې رییس انجنیر حفیظ الله شانوري او ددې ولایت یوشمېر نور سیمه ییزو چارواکو ګډون درلود.
په غونډه کې د خوست مرستیال والي، عبدالواحد پټان ددې ولایت د کرنې ریاست کړنې او فعالیتونه وستایل او زیاته یې کړه، چې د اوبو مهارول د دوی لومړتوب دی، او د خوست ولایت مقام به په راتلونکې کې هڅه کوي، چې د اوبو د مهار په موخه نورې پراختیایي پروژې منظورې کړي.
په همدې حال کې د خوست د کرنې رییس انجنیر حفیظ الله شانوري وویل یاد پروژه، چې د خوست ولایت د علیشېرو په ولسوالۍ کې پلي شوې ده ۱۰۸ هکټاره سیمه تر پوښښ لاندې راوستي دي او یوزر او ۲۰۰ کورنۍ په نېغه ترې ګټه پورته کوي.
د خوست دکرنې رییس وویل، چې په دې پروژه کې په ټولیزه توګه پنځه زره او ۵۰۶ ترینچونه کېندل شوي او ۷۵ چک ډمونه جوړې شوي دي، همداراز د شپږ زره لیټره په وړتیا سره د اوبو زېرمه په پاخه او اساسي ډول رغول شوي، چې د اوبو سیسټم کې یې د پنځه زره او ۳۱۲ مترو په اږدوالی پایپ او ۲۹ نلکې لګېدلي دي، ۴۲ دانې ۴۰۰ واټه لمریزې تختې، چې تر ۱۳۰ متره لوړوالي او ۶۲۰ متره افقي سطحه کې د دوه انچه اوبو د پورته کولو وړتیا لري هم ددې پروژې اړونده کړنې دي.
د حفیظ الله شانوري په ټکو ددې پروژې په سیمه کې زرګونه نیالګي چې په کې د چهارمغزو، بادامو، زردالو، انارو، املوکو، لاچي او د زیتونو نیالګي شامل دي هم اېښودل شوي دي. او ترڅنګ یې د یادې پروژې په سیمه کې د زیرې، رشقې، اتریفلکس او د شاخلو د کرکېلي په پار سلګونه کیلو ګرامه تخمونه هم برابرې شوي دي.
دغه راز د آبریزې په سیمه کې د مېوه لرونکو او بې مېوې نیالګیو د تولید په پار د مېوه لرونکو او بې مېوې ۳۰۰ کیلو ګرامه تخمونه چمتو شو دي، د نیالګیو د خړوبولو په پار د اوبو زېرمه په پاخه اواساسي ډول رغول شوي، په نیم جریبه ځمکه کې د مېوه لرونکو او بې مېوې نیالګیو قریه جوړه شوې ده، چې هرکال به ترې د اړتیا وړ نیالګي سیمې ته ولېږل شي، د آبریزې د اړوندو کلیو په کچه د ځنګلولۍ ټولنه جوړول او د لومړنیو صحي مرستو کېټ برابرول او د طبیعي سرچینو د ټولنۍ غړو او له آبریزې څخه برخمنو کسانو ته روزنه ورکول هغه چارې دي، چې ددې پروژې په ترڅ کې تر سره شوي دي.
باید وویل شي، چې ددې پروژې ټولیز لګښت ۸۲ زره او ۶۸۰ امریکايي ډالره ده، چې په پلي کېدو سره یې درې زره او ۷۰۰ کاري ورځې هم ایجادې شوي دي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت