غزني کې د چرګانو ۱۵۰ فارم لرونکو ته روزنیز پروګرام پیل شو
د غزني د کرنې، اوبولګولو او مالدارۍ ریاست د «RADP-E»پروژې په همکارۍ په دې ولایت کې د چرګانو ۱۵۰ فارم لرونکو ته د چرګانو روزنې او د چرګانو د فارمونو د ادارې او مدیریت په پار پنځه ورځنۍ روزنیز پروګرام په لاره اچولی دی.
د غزني دکرنې رییس عبدالولي کوچي وایي، چې ددې روزنیز پروګرام موخه د چرګانو فارمونو مسوولینو ته د چرګانو فارمونو اداره او مدیریت زده کول دی.
د ښاغلي کوچي په خبره په دې روزنیز پروګرام کې د نارینه و ترڅنګ ښځینه فارملرونکې هم ګډون لري، چې دوی ته په کورونو کې د چرګانو ساتنې لارې چارې ښودل کیږي.
ددې روزنیز پروګرام په پای کې به د «RADP-E» پروژې له خوا د پروګرام پر ګډونوالو د چرګانو روزنې او حفظ الصحې اړونده کېټونه هم وېشل کیږي.
