د بدخشان د انجې حاصلات ۳۵ ټنو ته ورسېد
۴ لیندۍ ۱۳۹۹
د بدخشان ولایت د کرنې، اوبولګولو او مالدارۍ ریاست وایي، چې سږکال ددې ولایت د انجې د حاصلاتو کچه ۳۵ ټنو ته رسیږي.
د بدخشان دکرنې رییس سید معین الدین عیني وایي، چې انجه تر ډېره په دې ولایت کې په وحشي او طبیعي ډول شنه کیږي. هغه وویل، چې دکرنې وزارت هم د انجې د کرکېلي د سیمو په پراختیا کې عمده رول درلود او تېرکال د درایم او تیشکان په ولسوالیو کې نږدې په ۲۵۹ هکټاره ځمکه کې د انجې کرکېله کړئ او خړوبه شوي دي.
انجه یو طبي بوټی دی، چې د بدخشان ولایت د ډېرو ولسوالیو په غرونوکې په وحشي ډول شنه کیږي، چې تر دې دمه ددې ولایت د وحشي انجې د سیمو په هکله کومه دقیقه سروې تر سره شوې نه ده.
