هرات کې د پیازو د ۴۲۰ زېرمتونونو چارې ډېر ژر بشپړیږي
۲۱ تله ۱۳۹۹
ټاکل شوې، چې تر راتلونکو دوو اوونیو پورې به په هرات کې د پیازو د ۴۲۰ او د کچالو د پنځو زېرمتونونو رغنیزې چارې بشپړ او ګټې اخیستنې ته وسپارل شي. دغه زېرمتونونه د برخمن شویو بزګرانو په لس سلنې ونډې سره د څه باندې ۲۲۰ میلیونه افغانیو په لګښت جوړیږي.
د پیازو د هرې زېرمتون وړتیا ۱۰ مټریک ټنه او د کچالو د هرې زېرمتون وړتیا ۱۶ مټریک ټنو ته رسیږي.
د کرنې وزارت د کرنیزو محصولاتو مدیریت د پروژې له لارې سږکال د هېواد په ډېرو ولایتونو کې د پیازو او کچالو د خوندي کولو په پار د پیازو او کچالو صفر انرژۍ سړې خونې «زېرمتونونه» جوړ کړي دي.
