۲۷ زمری ۱۳۹۹

د هېواد په ۱۸ ولایتونو «کابل، دایکندي، پکتیا، بلخ، سرپل، سمنګان، بدخشان، تخار، فاریاب، ننګرهار، کونړ، لغمان، غور، خوست، پکتیکا، ارزګان، بادغیس او زابل» کې چې د ۱۳۹۹ یم مالي کال په پل کې د اوبو د کنټرول په پار د ۲۰۰ وړو چکډمونو د رغولو چارې پیل شوې وې رغنیزې چارې یې ۲۰ سلنه بشپړ شوي او ټاکل شوې، چې د روان کال تر پایه یې رغنیزې چارې بشپړ او ګټې اخیستنې ته وسپارل شي.

د یادو چکډمونو رغول په هېواد کې د اوبولګولو د سیسټمونو د پیاوړتیا او بیارغونې له لارې په کلنۍ ډول د ۵۰ زره هکټاره ځمکو د خړوبولو په طرحه کې شامل دي.

دغه راز د ننګرهار او جوزجان په ولایتونو کې هم د یوزر او ۷۹۰ مټره استنادي دېوالونو او د اوبولګولو کانالونو رغنیزې چارې تر دې دمه ۲۰ سلنه بشپړ شوي دي. ټاکل شوې ده، چې د دغو دېوالونو او کانالونو رغنیزې چارې به هم د روان مالي کال تر پایه بشپړ او ګټې اخیستنې ته وسپارل شي.

د لوګر، خوست، پکتیا او جوزجان په ولایتونو کې د مېوو د بڼونو د خړوبولو په پار د اوبو د ۱۷ زېرمو جوړول او دغه راز د کابل، غزني، لوګر، پکتیا، بلخ، سمنګان، بغلان، بدخشان، تخار، ننګرهار، کونړ، لغمان، هرات، غور، خوست، کندهار او زابل په ولایتونو کې د مېوو د بڼونو د خړوبولو په پار ۱۰۰ لمریز واټر پمپ دستګاوې پېرل او وېشل په هېواد کې د اوبولګولو د سیسټمونو د پیاوړتیا او بیارغونې له لارې په کلنۍ ډول د ۵۰ زره هکټاره ځمکو د خړوبولو په طرحه کې شامل دي.

د اوبو د ۱۷ زېرمتونونو رغنیزې چارې تر دې دمه ۴۰ سلنه او د لمریز واټر پمپونو د پېرلو لړۍ ۲۰ سلنه پشپړ شوي دي.

ټاکل شوې، چې دغه برنامې د روان مالي کال تر پایه بشپړ شي.