کابل کې د نور هېواد سړې خونې د پرانیستې او ګټې اخیستنې په مراسمو کې د کرنې او مالدارۍ مرستیال ګډون

mail-admin
چهارشنبه ۱۴۰۵/۷/۲۹ - ۱۵:۵۵
اشتراک معین زراعت و مالداری در افتتاح و بهره‌برداری سردخانه نور هیواد در کابل

۲۹ تله ۱۴۰۵ هـ.ش
۹ جُمَادَى الأول ۱۴۴۸ هـ.ق
د کرنې، اوبولګولو او مالدارۍ وزارت د کرنې او مالدارۍ مرستیال مولوي صدراعظم عثماني د کابل ښار د خوشحال خان په سیمه کې د نور هېواد سړې خونې د پرانیستې او ګټې اخیستنې په مراسمو کې ګډون وکړ.
په دغو مراسمو کې د افغانستان د کرنې او مالدارۍ خونې د عامل پلاوي لوی رییس حاجي خان محمد فروتن، د یادې خونې مرستیال حاجي میرویس حاجي‌زاده، یو شمېر پانګوالو او د نور هېواد شرکت مسوولینو هم ګډون کړی و او د سړو خونو په برخه کې یې د پانګونې د ارزښت په اړه ویناوې وکړې.
مولوي صدراعظم عثماني په خپلو خبرو کې سړې خونې د کرنیزو محصولاتو د ساتنې، د ضایعاتو د مخنیوي او د بازار د مدیریت لپاره د هېواد له اساسي اړتیاوو څخه وبللې او په دې برخه کې یې له پانګوالو او سوداګرو څخه د کرنې وزارت پر ملاتړ ټینګار وکړ.
نوموړي زیاته کړه، چې د سړو خونو د ظرفیت په زیاتېدو سره به د بزګرانو د محصولاتو د ساتنې او بازار ته یې د مناسبې عرضې زمینه برابره شي او همدارنګه به د صادراتي لارو د تړل کېدو له امله د رامنځته کېدونکو زیانونو مخه ونیول شي.
په همدې حال کې، د افغانستان د کرنې او مالدارۍ خونې د عامل پلاوي لوی رییس حاجي خان محمد فروتن وویل، چې په تېرو دوو کلونو کې ۱۱۶ سړې خونې جوړې شوې دي او د یو شمېر نورو د جوړولو چارې هم روانې دي. نوموړي د بزګرانو د ملاتړ او د کرنیزو محصولاتو د بازار د پیاوړتیا په موخه په دې برخه کې د پانګونې پر پراختیا ټینګار وکړ.
د نور هېواد شرکتونو د ګروپ رییس هېواد نور هم د دغې سړې خونې د جوړولو موخه د هېواد په ابادۍ کې ونډه اخیستل او د بزګرانو ملاتړ وباله او د یاد شرکت له لوري یې د نورو سړو خونو د جوړولو له پلانونو خبر ورکړ.
د نور هېواد سړه خونه د شپږو بسوو ځمکې په ساحه کې، په درېیو پوړونو کې، د یو نیم میلیون امریکایي ډالرو په لګښت جوړه شوې ده، چې تر شپږو میاشتو پورې د مېوو او سبو د ساتنې وړتیا لري.
همدارنګه، یاد شرکت د کابل په شیوکي سیمه کې د یوې بلې لویې سړې خونې د جوړولو چارې هم پیل کړې دي، چې تر اوسه یې ۳۰ سلنه کارونه بشپړ شوي دي. دغه سړه خونه د اوو جریبو ځمکې په ساحه کې، د ۲۵۰ میلیونه افغانیو په لګښت جوړېږي، چې د ۱۰ زره ټنه کرنیزو محصولاتو د ساتنې ظرفیت به ولري.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت