د کونړ نورګل ولسوالی کې پر لسګونو کورنیو د شېدو غواوې ووېشل شوې

۸ زمری ۱۴۰۴ هـ.ش
۵ صَفَر المُظَفَّر ۱۴۴۷ هـ.ق
د کونړ د کرنې، اوبو لګولو او مالدارۍ ریاست په هڅو او د نه انلوس مؤسسې له لورې ددې ولایت د نورګل ولسوالی کې  لسګونو کونډو او بې وزله مېرمنو ته د شېدو غواوې ورکړل شوې.
په دې اړه جوړه شوې غونډه کې، د کونړ د کرنې، اوبو لګولو او مالدارۍ ریاست په لارښوونه د کرنیزو چوپړتیاوو مدیر، د نورګل ولسوالی مرستیال او د یادې ولسوالی قومي مشرانو ګډون درلود.  یادو چاراکو وویل د نه انلوس مؤسسې له لورې په نورګل ولسوالی کې ۸۵ مېرمنو ته د شېدو غواوې د کورني اقتصاد پیاوړتیا، لبنی محصولاتو زیاتوالي او مالدارۍ سکتور دپیاوړتیا په موخه وېشل شوي دي.
دوی زیاته کړه، چې  په راتلوونکي کې یادو مېرمنو ته د څارویو تغذیي او پیاوړتیا لپاره حیواني خوراکه او روزنې هم ورکول کېږي.
د نورګل ولسوالی مرستیال وویل. چې د نورګل ولسوالۍ د مالدارۍ لپاره مساعدې سیمې لري او په دې برخه کې  د کونړ د کرنې ریاست څخه دلا زیاتو همکاریو غوښتنه وکړه.
همدارنګه د نه انلوس مؤسسي کارکوونکي د مالدارۍ پر ارزښت، ساتنی او حیواني خوراکې ورکړې تفصیلې معلومات مالدارانو ته وړاندې کړل.
د کونړ د کرنې ریاست هڅه کوي په کلیوالي سیمو کې د خلکو اقتصادی پیاوړتیا په موخه ګتورې پروژی پلی کړي.