دنیازي قوم مشرانو دخپلو دستونزو دحل په موخه دلغمان د کرنې رییس سره وکتل
د لغمان ولایت دنیازي قوم مشرانو خپلې ستونزې د دې ولایت دکرنې، اوبولګولواومالدارۍ رییس الحاج مولوي عبدالستار محمد سره شریکې کړې.
راغلو قومي مشرانو د لغمان دکرنې رییس څخه مننه وکړه، چې د ولسونو ستونزې مخامخ اوري او رسېدنه ورته کوي. دغومشرانو وویل، چې دګمبې سیمه کې د حضرت اووه نیازیو په نوم یوه لویه هدیره شتون لري او په دغه هدیره کې د یادې قریې ولسونو خپل مړي دفن کړي او دسیلاب له خطر سره مخامخ ده، غواړو چې ګرد چارپیره ترې یو جر وباسو، او د باران او سیلاب له خطر څخه وساتل شي او مطبوع عرض پاڼه یې په دې هکله شریکه کړه.
په ورته مهال دلغمان د کرنې رییس مولوي عبدالستارمحمدراغلو مشرانو ته د ښه راغلاست ویلو ترڅنګ وویل، چې دریاست د روازې د لغمان ټولو ولسونو پرمخ خلاصي دي او په وخت سره به د ولسونو ستونزو ته رسېدنه کېږي. ښاغلي محمد د نیازي قوم مشرانو عرض پاڼه چې د ولایت محترم مقام له لوري دغه ریاست ته راجع شوې وه د غصب مخنیوي تخنیکي پلاوي سکرتریت ته د اصولي اجرااتو په موخه راجع کړه.
