ننګرهار کې لسګونه بزګران وروزل شول
۱۸ سلواغه ۱۴۰۳ه.ش
۷ شَعبان المُعَظّم ۱۴۴۶ه.ق
د ننګرهار کرنې، اوبو لګولو او مالدارۍ رياست د کرنيزو مدیريتونو کار کوونکو له خوا ددې ولایت په سره رود، لعلپورې، نازیان هسکې مېنې او مومندرې ولسوالیو کې ۶۰ تنو بزګرانو ته د ناروغيو مخنيوي او غوره کرنيزو عمليو تر سره کولو په موخه روزنه ورکړل شوه.
په یادو ولسوالیو کې بزګرانو ته د غنمو کتاري کرنې، سبو او مېوه لرونکو ونو ناروغیو مخنیوي، کرنیزو عملیو، حاصل ټولولو، هرزه وښو مخنیوي او افاتو د هراړخیز کنټرول په موخه معلومات ورکړل شول .
دغه راز په يادو ولسوالیو کې بزګرانو او بڼوالو ته په بڼونو کې دښاخه برۍ، یوریا سپري، د ونو د تنو سپینول، د درملو ګټو، زیانونو او ګڼو نورو برخو کې پوهاوی وشو.
د ننګرهار د کرنې، اوبولګولو او مالدارۍ ریاست هڅه کوي، د خپلو متخصصینو پر مټ بزګرانو او بڼوالو ته د ناروغیو او افاتو په اړه پر وخت معلومات وړاندې ترڅو د ناروغیو مخنیوي وشي او بزګران له زیانونو وژغورل شي.
