د پکتیا په نیازبیک سیمه کې د ۲۰ هکتاره ځمکې ځنګلونو بیارغونه پيل شوه
د پکتیا د کرنې ریاست په همغږۍ او د ځنګلونو د ساتنې د ټولنو په مرسته د نیازبیک په غرنۍ سیمه کې د ځنګلونو د بیارغونې چارې روانې دي.
د ولسوالۍ مقام په همغږۍ او د کرنیزو چارو او مالدارۍ عمومي مدیریت په هڅو، د بتۍ کهول د ځنګلونو ټولنې مشر ملک محمد شفیق په مشرۍ د ۶۶ کسانو په کارولو سره د نیازبیک په غرنۍ ساحه کې د شل هکتاره ځمکې په نیمایي برخه کې د مروفان او لمنځې تخم وکرل شو، چې د کرنې ریاست لخوا چمتو شوی و.
د پاتې ساحې کرلو لپاره د نورو ټولنو همکاري جلب شوې ده، او تمه کیږي چې په راتلونکو څو ورځو کې بشپړه وکرل شي.
