د پکتیکا دکرنې رییس د «هالټو» مؤسسې مسوول سره وکتل

د پکتیکا د کرنې، اوبو لګولو او مالدارۍ رییس مولوي محمدزمانعمري د «هالټو» مؤسسې له مسؤل او کارکوونکو سره په یوه ناسته کې د کرنې او بڼوالۍ په برخه کې د پروژو پر پلي کولو خبرې اترې وکړې.
په دې ناسته کې د پکتیکا ولایت د کرنې، اوبو لګولو او مالدارۍ رییس مولوي محمدزمانعمري د کرنې او مالدارۍ د سکتور پر پرمختګ خبرې وکړې او ډاډ یې ورکړ، چې د کرنې سکتور د پرمختګ لپاره به له «هالټو» مؤسسې سره هر اړخیزه همکاري وکړي. نوموړي د مؤسسې له استازو وغوښتل، چې په دې سکتور کې خپلې همکارۍ زیاتې کړي.
په ورته وخت کې د«هالټو» مؤسسې مسؤل د خپلو پروژو او راتلونکو پلانونو په اړه معلومات وړاندې کړل او د همکارۍ د دوام ډاډ یې څرګند کړ.
دا ناسته د پکتیکا په کرنیز سکتور کې د «هالټو» مؤسسې د همکاریو د لا پیاوړتیا په موخه ترسره شوه.