د کرنې وزارت: حج او اوقافو وزارت ته د نهه جریبه ځمکې د لېږد تړون لاسلیک شو
٢۲ لړم ۱۴۰۲ه.ش
٢۹ ربیعالثاني ۱۴۴۵ ه.ق
د کرنې، اوبولګولو او مالدارۍ وزارت د ځمکو چارو ریاست چارواکي وایي، چې د یادې ادارې او د حج او اوقافو وزارت تر منځ یاد وزارت ته د نهه جریبه ځمکې د لېږد تړون د ځمکو چارو ادارې ریاست کې لاسلیک شو.
په دې اړه جوړه شوې غونډه کې، چې د کرنې, اوبولګولو او مالدارۍ وزارت د ځمکو چارو عمومي ریاست په مقام کې ترسره شوه د دغه ریاست رییس ملا عبدالرحمن رحماني، د حج او اوقافو وزارت د اوقافو لوی ریيس مولوي حمدالله اخندزاده او د انتقال او وېش ریاست رییس مولوي سید محمد سعید شتون درلود.
یاده غونده د کابل کندهار په لويه لار د جوماتونو د جوړولو لپاره د ځمکې د لېږد په موخه جوړه شوې وه.
دغه ځمکه چې انډازه يې ټول ټال نهه جريبه ده، د کابل کندهار په لویه لار د میدان وردګ، غزني او کندهار په سیمه کې په درې درې جريبه ځمکه باند درې جوماتونه جوړېږي، چې د یادو جوماتونو د ځمکې لېږد ټړون نن د ځمکو چارو ادارې لوی رياست او د اوقافو لوی ریاست د مسؤلينو تر منځ لاسليک شو.
