لغمان کې د عشر او زکات راټولولو په پار عامه پوهاوی پیل شو
۱۶ تله ۱۴۰۲ه.ش
۲۳ ربیعالاول ۱۴۴۵ه.ق
دلغمان کرنې، اوبولګولواومالدارۍ رییس الحاج مولوي محمدولي محسن په لارښوونه دعشراوزکات مسؤلینو علیشنګ ولسوالی ته سفر وکړ، چې په ترڅ کې یې ددې ولسوالی اړوند دیره میاصاحب، کوټالۍ، ګرګړ،ت رنګ او شمرام کلیو له قومي مشرانو سره د عشر او زکات د راټولولو په پار جلا جلا ناستې ترسره کړې.
په دغو ناستو کې، چې په نوموړو کلیو کې له قومي مشرانو سره ترسره شوې دعشراوزکات راټولولو امر قاري ذبیح الله هشام له خوا د عشر اوزکات د راټولولو په هکله د امیرالمؤمنین حفظه الله ځانګړی حکم محتوا قومي مشرانو ته بیان شو. همداراز نوموړي په خپلو خبرو کې عشراو زکات ورکول یو الهي امر یاد کړ زیاته یې کړه چې ددې الهي امر په ترسره کولو کې باید ټول مسلمانان خپله غاړه خلاصه کړي او په دې اړه یې د اسلامي شریعت په رڼا کې ارزښت لرونکې خبرې وکړي.
همداراز هغه قومي مشرانو ته وویل هغه کسان چې خپلو ځمکو له حاصلاتو څخه اسلامي امارت ته عشر ورکړي له دوی سره به د کرنې، اوبولګولو اومالدارۍ ریاست له خوا په راتلونکي کې د مؤسساتو له طریقه د اصلاح شویو تخمونو او کیمیاوي سرو مرسته کېږي.
په همدې حال کې قومي مشرانو د عشراوزکات راټولو مسؤلینو ته ډاډ ورکړ چې د خپلو ځمکو د حاصلاتو عشر به د تېر په څېر ورکوي او هم یې دعشر دراټولولو په برخه کې دوی ته دهرډول همکاریو ډاډ ورکړ.
