کندهار کې د امارتي ځمکو د غصب مخنیوی او غصب شویو ځمکو د بېرته راګرځولو تخنیکي پلاوی غونډه
دکندهار ولایت د امارتي ځمکودغصب مخنیوی اوغصب شویوځمکو بېرته راګرځولو تخنیکي ټیم د یاد تخنیکي پلاوی رییس مولوي محمود مظلوم په مشرۍ غونډه دائره شوه.
د غونډې په پيل کې دکندهار دکرنې رييس او د کمېټې مشر مولوي محمود مظلوم لارښوونکې وینا ترڅنګ د تېرې غونډی دپریکړو دتطبیق ارزونه وکړه.
په دې غونډه کې، د یوشمېر عاریضونو عریضې او دوسیې و څېړل شول او ترڅنګ یې د غورک ولسوالی او د کوچیانو د موضوع په هکله مفصلې خبرې اترې وشوې او په هکله یې لازمې پرېکړې وشوې.
دغه راز په دې غونډه کې د نساجي له پله سره پر دولتي ځمکه د پنځمې امنیتي حوزې پر موضوع، قاري صدیق الله د ښار په څلورمه ناحیه کې د جومات شاته د حج اوقافو پر ملکیت باندې چاردوالي پر موضوع خبرې وشوې او د پڼي کاریز موضوع لپاره یو پلاوی وټاکل شو تر څو دقیق معلومات راټول او وروسته ورباندې پرېکړه ووشي.
په غونډه کي پر ځینو نورو موضوعاتو هم بحثونه وشول او د غونډي نورو ګډون والو یو له بل سره خپل نظرونه شریک کړل.
باید وویل شي، چې کندهار کې د ځمکې د غصب مخنیوی او غصب شویو ځمکو د بېرته را ګرځولو د کمېټه تر دې دمه په دې ولایت کې د ډېرو امارتي ځمکو د غصب مخنيوی کړی او د ټول ولایت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
