ننګرهار کې د مالدارۍ سکټور خوندیتوب په پار هڅې؛ ۱۰۶ زره څارویو ته د پوستکې د دانو او طاعون واکسینونه کېږي
۱۱ وږی ۱۴۰۲ه.ش
١٦ صَفَرُ المُظَفَّر ۱۴۴۵ه.ق
د ننګرهار د کرنې، اوبولګولو او مالدارۍ ریاست په هڅو دافغانستان لپاره د هالینډ کمیټې په تخنیکي همکارۍ او د اروپایې ټولني په مالې لګښت ددې ولایت په ۱۰ ولسوالیو کې څارویو ته د واکسینود تطبیق چاري روانې دي.
د ننګرهار د کرنې، اوبواګولو او مالدارۍ رییس مولوي عبدالستار محمد وویل، چې دننګرهار په لسو ولسوالیو چپرهار، بهسود، کامه، دره نور، رودات، سرخ رود، خوږیاني، شېرزاد، حصارک او کوزکونړ کې ۱۰۶ زره راسه وړو شخوند وهونکو څارویو ته د طاعون او پوستکي د ناروغیو مخنیوي واکسینونو د تطبیق چارې روانې دي.
د ننګرهار دکرنې رییس زیاته کړه د یادو واکسینونو د تطبیق موخه په وړو شخوند وهونکو څارویو کې د داخلي پرازیتونو، د پي پي آر او پوستکي د دانو د ناروغیو د مخنیوي، د محصولاتو زیاتوالي، د حیواناتو د مړینې د کچې کموالی او د مالدارانو د عاید لوړوالی دي.
د واکسینو دا کمپاین په ۱۵ ورځو کې د ۲۰ سیمه ییزو کلنیکونو پواسطه پلی کېږې؛ چې په ترڅ کې یې ۵۳ زره واړه شخوند وهوونکي څاروي د طاعون او ۵۳ زره څاروی به د پوستکي د دانو د ناروغیو مخنیوي په موخه واکسین شي.
دغه راز د هالینډ کمیټه په ننګرهار کې د واکسینونو سربېره درملو، د هګیو چرګانو، حیوانې خوراکې وېش، حیواني کلینیکونو، کوچني د خوراکې زېرمتونونو جوړولو او ګڼو نورو برخو کې هم د مالدارانو لاسنیوی کوي.
