د ننګرهار دکرنې ریاست: نباتي درمل او کیمیاوي سرو پلورونکو ټولنو مسؤلینو سره د همغږۍ ناسته ترسره شوه
د ننګرهار د کرنې، اوبولګولو او مالدارۍ ریاست اړوند د بوټو ساتني مدیریت مسؤلینو د نباتي درمل او کیمیاوي سرو ټولنو مسؤلینو سره د کرنې وزارت د لوایحو، طرزالعملونو او لارښونو د ښه تطبیق په موخه د همغږۍ ناسته ترسره کړه.
د ننګرهار دکرنې ریاست د بوټو ساتنې مدیر سیدکریم الله پاچا د ټولنې چارواکو او غونډې ګډون والو ته د ښه راغلاست تر څنګ د کرنې وزارت څخه رالېږل شوې لارښونو دښه تطبیق په موخه معلومات د ټولنې مسؤلینو ته وړاندې کړ، چې د ټولنې د مسؤلینو له لورې د عملي کولو په برخه کې د هر راز همکاریو ډاډ وکړل شو.
دغه راز نباتي درمل او کیمیاوي سرو پلورونکو ته د جوازونو د اخیستلو، په نباتي درملتونونو کې د مسلکي کسانو ګمارلو، د باکیفیته نباتي درملو او کیمیاوي سرو د پلورلو، د بوټو ساتنې د لېږل شوي فارمټ مطابق د درملو لیست کولو او په پلورنځيو کې د ځړولو سپارښتنې وشوې.
دهمدارنګه د ټولنو مسولینو هم خپلې ستونزې او وړاندیزونه د بوټو ساتنې مدیریت مسؤلینو سره شریکې کړې.
