د کندز دکرنې رياست: کندز کې د پستې حاصلات ۴۰ سلنه زيات شوي
د کندز ولايت د کرني، اوبولګولو او مالدارۍ رياست په دې ولايت کي د پستې د حاصلاتو له ۴۰ سلنې زياتوالي خبر ورکوي.
د کندز دکرنې رياست د چارواکو په خبره سږکال د پستې له ٢١٠٠٠ هکټار ځنګلونو څخه ١٥٠ ټنه د پستې حاصلات ټول شوي، چي داشمېره تېرکال ٧٣ ټنه وه. ښه اقليم، په خپل وخت د پستې حاصلات راټولول، د ځنګلونو ساتل او د حکومت لخوا د ځنګلونو حفاظت د حاصلاتو د لوړېدلو عوامل دي.
د کندز د کرنې رياست چارسمبال عبدالغفار صديقي وويل: " اقليمي شرايط، ژمني او پسرلني ورښتونه، د پستو د ځنګلونو حفاظت، د ځنګلونو د قطع کولو مخنوي او د کرنې وزارت لخوا د ځنګل په اهميت د خلکو پوهه د حاصلاتو د زياتوالي اصلي لاملونه دي".
ښاغلي صديقي وويل، ډېری حاصلات د کندز ولايت د علي آباد، خان آباد، امام صاحب، آقتاش او ارچې ولسواليو څخه لاس ته راغلي دي.