کونړ کې ۴۷۰ کورني باغچې جوړېږي
۱۷ غبرګولی ۱۴۰۰
د کونړ دکرنې، اوبولګولو او مالدارۍ ریاست چارواکي وایي، چې په دې ولایت کې کروندګرو مېرمنو ته ۴۷۰ کورني باغچې جوړېږي.
ددغو کورنیو باغچو د جوړولو په پار پر کروندګرو مېرمنو د یادو باغچو جوړولو د اړینو توکو د وېش لړۍ پیل شوې ده، چې په ترڅ کې یې په دې ولایت کې ۴۶۰ کورني باغچې او ۱۰ روزنیزې باغچې جوړېږي.
تر دې وړاندې هم په هېواد کې کروندګرو مېرمنو ته کورني باغچې جوړ شوي دي، چې د بېوزله کورنیو د اقتصادي ودې او خوړو خودیتوب ترڅنګ د کرنې په برخه کې مېرمنو ته د کار زمینه هم برابره شوې ده.
مېرمنو ته د هېواد په بېلابېلو ولایتونو کې د کورنیو باغچو جوړول کولای شي، چې په کرنه کې د مېرمنو ونډه زیاته او اقتصاد یې پیاوړي کړي.
