کونړ کې پر ۱۰۰ بې وزله کورنیو د هګیو چرګان او اړونده توکي ووېشل شول

mail-admin
سه‌شنبه ۱۳۹۹/۱۰/۲ - ۱۵:۱
کونړ کې پر ۱۰۰ بې وزله کورنیو د هګیو چرګان او اړونده توکي ووېشل شول


۲ مرغومې ۱۳۹۹
د کرنې، اوبولګولو او مالدارۍ وزارت په هېواد کې د چرګانو روزنې د ودې او د بېوزله کورنیو د اقتصادي ودې په پار داځل د کونړ ولایت د اسمار او پیچ درې په ولسوالیو کې د ځنګلولۍ د ۲۰ ټولنو پر ۱۰۰ بې وزله کورنیو د هګیو چرګان او د چرګانو روزنې اړونده توکي وېشلي دي.
د کونړ ولایت د کرنې، اوبولګولو او مالدارۍ ریاست وایي: « د کرنې وزارت اړوند د ځمکې او ځنګلونو د تلپاتې مدیریت پروژې (GEF) له خوا د ملګرو ملتونو د خوړو او کرنې ادارې « FAO» په مرسته پر یادو کورنیو درې زره د هګیو چرګان او د چرګانو ۱۵زره کیلو ګرامه خوراکي توکي او د چرګانو روزنې اړونده اړین توکي وېشل شوي دي.»
د کونړ د کرنې، اوبولګولو او مالدارۍ ریاست چارواکي وايي، چې د دغو ۱۰۰ بېوزله کورنیو د اقتصادي پیاوړتیا په پار پر هرې کورنۍ ۳۰ د هګیو چرګان، د چرګانو ۱۵۰ کیلو ګرامه خوراکي توکي او د چرګانو د روزنې اړوند نور اړین توکي وېشل شوي دي.
د کونړ د کرنې ریاست د چارواکو په خبره ددې مرستې موخه د چرګانو د روزنې صنعت ته پراختیا ورکول، مېرمنو ته په کور د ننه د کار زمینه برابرول او د دوی د اقتصادي پیاوړتیا ترڅنګ، د ځنګلونو د پرې کېدو مخنیوی او د ځنګلولۍ د ټولنو پیاوړتیا ده، ترڅو ملي سرچینې خوندي شي.
بلخوا د خوړو نړیوال پروګرام «WFP» په مرسته د کونړ ولایت د اسدآباد، سرګاڼو، نرنګ او خاص کونړ په ولسوالیو کې پر ۳۵۰ بزګرانو کندوان ووېشل شول.
د کونړ د کرنې ریاست وایي، چې دغه وېشل شوي کندوان هر یوه یې د ۵۰۰ کیلو ګرامه غلو دانو د ساتنې وړتیا لري، چې د غلودانو له حاصل ټولولو وروسته د ضایعاتو د مخنیوي په پار وېشل شوي دي.

تازه ترین اخبار

شنبه ۱۴۰۵/۱/۲۲ - ۱۶:۳
Background image

ننګرهار کې د ځمکنیو توتانو کرکېله زیاته شوې؛ سږ کال د ۶۷۰ مټریک ټنو حاصل اټکل شوی

۲۲ وری ۱۴۰۵ه‍.ش
۲۴ شَوّالُ المُکَرَّم ۱۴۴۷ه‍.ق
د ننګرهار د کرنې، اوبو لګولو او مالدارۍ ریاست د ترویجي کارکوونکو د معلوماتو له مخې، سږ کال د دې ولایت په څلورو ولسوالیو کې پر ۴۰۶ جریبه. . .

شنبه ۱۴۰۵/۱/۲۲ - ۱۰:۱۸
Background image

بېړه وکړئ؛ وخت کم او غرفې لږې دي!

د کرنې او مالدارۍ سکټور پانګه‌وال او متشبثین کولای شي له دې ځانګړي فرصت څخه په ګټې اخیستنې سره خپل تولیدات معرفي او بازار ته یې وړاندې کړي. په دې نندارتون کې ګډون د بازارموندنې، د بېر-. . .

شنبه ۱۴۰۵/۱/۲۲ - ۹:۱۸
Background image

د بزګرانو او مالدارانو ستونزو ته رسېدنه؛ د هلمند نادعلي ته د کرنې رییس سفر

۲۲ وری ۱۴۰۵ه‍.ش
۲۴ شَوّالُ المُکَرَّم ۱۴۴۷ه‍.ق
د هلمند ولایت د کرنې، اوبو لګولو او مالدارۍ رییس مولوي شیراحمد رفیع د یوه پلاوي په ملتیا نادعلي ولسوالی ته سفر وکړ، چې موخه یې د کرنیزو. . .

بازگشت