کابل کې د غصب مخنیوی او د غصب شویو ځمکو د راګرځولو کمېټې عملي چارې
۱۷ سلواغه ۱۴۰۱ه.ش
۱۵ رَجَب المُرَجَّب ۱۴۴۴ ه.ق
د کابل ولایت د غصب د مخنیوي او غصب شویو ځمکو د تشخیص او راګرځولو تخنیکي پلاوی د حافظ الحاج عبیدالله حقاني په مشرۍ، د کابل بېلا بېلو سیمو کې د امارتي ځمکو د تشخیص او بېرته راګرځو لو په موخه عملي چارې کړندي کړي دي.
ددغو هلوځلو په دوام د کابل ولایت د غصب د مخنیوي او غصب شویو ځمکو د تشخیص او راګرځولو تخنیکي پلاوی د حافظ الحاج عبیدالله حقاني په مشرۍ د چهار آسیاب ولسوالی اړوند د امارتي ځمکو د تفکیک چارې ترسره کړې.
یاد پلاوی دچهاراسياب په ولسوالى کى دنامونياز کلى کې ملا عيد اکبر چې ۸۷ کدستري قطعې مربوط ١٤٥/٧٨ جريبه ځمکه يې دخپلې شخصي ځمکې سره ګډه کړې وه تخنيکي پلاوی غړو لخوا ترينه تفکيک شوه اوامارتي وګرځول شوه.
دغه راز ددې ولسوالی د چهل دختران په سیمه کې ۱۸۳ کادستري قطعې اړوند ١٧٩/٧٩ جريبه ځمکه دشخصي ځمکو څخه تفکيک او امارتي اعلان شو.
یاد پلاوي ددې سیمې اوسیدونکو ته وویل، چې د افغانستان اسلامي امارت د هېواد په لر اوبرکې د غصب شویو ځمکو او ملکتیونو د هغوی حقدارانو ته، بیرته ګرځولو ته ژمن دی، په دې برخه کې ستاسو څخه هیله کوو، چې زموږ له تخنیکي ټیم سره د غصب شویو سیمو په راپیژندلو کې مرسته وکړئ.
