په بېلابېلو موضوعاتو د خبرو اترو په موخه د کرنې وزارت د رهبرۍ غونډه په لاره واچول شوه
۷ زمری ۱۴۰۰
دکرنې، اوبولګولو او مالدارۍ وزارت د رهبرۍ غونډه، د کرنې وزیر،د یاد وزارت مرستیالانو او یوشمېر مرکزي رییسانو په ګډون په لاره واچول شوه او پر بېلابېلوموضوعاتو خبرې اترې وشوې.
ددې غونډې په پیل کې، د کرنې وزیر ډاکټر انوارالحق احدي د چوپړتیاوو د لړۍ د چټکتیا په ځانګړې توګه د ولایتونو د کرنې ریاستونو او پروژو ته لازمې سپارښتنې وکړې. هغه دغه راز وویل، چې دکرنې وزارت د پروژو او برنامو د اغېزناک پلي کېدو په پار اړتیا ده، چې د کرنې وزارت یوشمېر ولایتي رییسان دې بدل شي.
په دې غونډه کې پر بېلابېلو موضوعاتو له ډلې د یوشمېر پروژو پر تعدیل او د بڼوالۍ محصولاتو د بسته بندۍ او راټولولو مرکزونو پر لا همغږۍ خبرې وشوې.
