ننګرهار کې دچرګانو ددانو تولیدي فابریکو مسؤلینو ته ددانې کېفیت ښه والي په موخه لازمي سپارښتني وشوې
۱ سلواغه ۱۴۰۳ه.ش
۲۰ رَجَب المُرَجَّب ۱۴۴۶ه.ق
د ننګرهار د کرنې، اوبو لګولو او مالدارۍ ریاست د څارویو روغتیا امر داکتر محمد ضمیر بهسودې په مشرۍ پلاوي په شیخ مصري صنعتي ښارګوټي کې د چرګانو ددانې تولیدوونکو فابریکو څخه څارنه ترسره کړه.
د څارو روغتیا او مالدارۍ خدمتونو امر داکتر محمد ضمیر بهسودې وویل، چې د ننګرهار کرنې ریاست په لارښوونه او د باکیفیته حیواني خوراکې د تولید په موخه یي د فابریکو څخه څارنه ترسره کړه، هغو فابریکو ته چې کارونه یي په اصولو برابر وو وستایل شول او هغو فابریکه دارانو چې د کرنې وزارت کړنلارې په نظر کې نه وي نیولې لازمي سپارښتنې ورته وشوي.
د ننګرهار په ولایت کې د چرګانو دداني ۱۵ کارخوني فعالیتونه لری، چې د ورځې سلګونه ټنه باکیفیته خوراکې تولید ترڅنګ زرګونه هېوادوالو ته په مستقیم او غیر مستقیم ډول پکي د کار زمینه هم برابره شوي ده.
دغه راز په ننګرهار کې د چرګانو تولیدیدونکي دانه د افغانستان ټولو ولایتونو ته صادرېږي.
