ننګرهار کې اکشن اېډ مؤسسه خپل فعالیتونه پراخوي
د ننګرهار د کرنې، اوبو لګولو او مالدارۍ رییس مولوي محمد ولي محسن د اکشن اېډ مؤسسې له چارواکو سره په خبره کې د یادې مؤسسې د فعالیتونو پر پراختیا خبرې وکړې.
د دې لیدنې پر مهال افغانستان لپاره د اکشن اېډ لوی رییس سریکانت میسرا د ننګرهار د کرنې ریاست له همکارۍ مننه وکړه او د «سیبارډ» پروژې د بیا پیل، د اقلیم بدلون د اغېزو کمولو، بزګرانو ته د اصلاح شویو تخمونو برابرولو په برخو کې د همکاریو ژمنه وکړه.
د ننګرهار دکرنې رییس مولوي محمد ولي محسن د اکشن اېډ مؤسسې فعالیتونه وستایل او د کرنې او مالدارۍ په بېلابېلو برخو کې د پروژو د تطبیق، د متوازن پرمختګ او د کیفیت پر ساتنې يې ټینګار وکړ. همداراز نوموړي وویل، چې په ننګرهار کې د کوکنارو کرکېله بشپړ بند شوی نو د بزګرانو او مالدارانو لپاره د بدیلو فرصتونو د برابرولو غوښتنه یې هم وکړه.
