ننګرهار کانال ریاست:د ۳۵۰۰متره محافظتي پولي چارې روانې دي

د ننګرهار کانال ریاست په هڅو  ددې ریاست اړوندو فارمونو او ځمکو د خوندیتوب او بیارغونې په پار د ٣٥٠٠ محافظتي پولې د جوړولو چارې په چټکۍ روانې دي.
د ننګرهار کانال ريیس مولوي غلام الرحمن کظیم وایې:"په تېرو وختونو کې ناوړه انقلابي شرایط، د غاصبینو شتون، خپلسریو او ګوتو وهنو ننګرهارکانال شتمنیو(فارمونو، بڼونو ) او ځمکو ته ستر زیانونه اړولي.
د کانال د جوړېدو سره سم هغه مهال د  دویم فارم دویم بلاک (۱۷، ۱۵، ۱۱، ۱۳، ۹ ) نمره ځمکو کې منظم خوړ موجود و .  هغه مهال پرې د کانال او ځايي استوګنو زرګونه جریبه ځمکه خوړوبېده او په دغو ځمکو ولاړ کښتونه او فصلونه د زیان نه په امن ؤ."
د ښاغلی کظیم په خبره له بده مرغه پدې وروستيو کې یو شمېر غاصبینو ددې خوړ مسیرتغیر کړې ؤ.
او د یاد څپانده خوړ مسیر يې د کانال ځمکو ته برابر کړې ؤ.
اوس د ننګرهارکانال ریاست له لوري د همدې خوړ او ترڅېرمه ځمکه دوو کرنیزو شرکتونو یحی خېل او رغبت الله مومند ته په اجاره ورکړل شوی دی.
یاد کرنیز شرکتونه به د خوړ مسیر برابروي او د سېلابونو او زیاتو اوبو د  د بیا تهدید نه د بچ کېدو په موخه به ورته محافظوي پوله تړي، چې له ډېره ښه مرغه د ۳۵۰۰ متره محافظوي پولې د تړلو کارونه  اوس عملآ منظم او سم روان دي، چې په نږدي راتلونكي کې به ګټي اخستې ته وسپارل شي.
د یادونې ده، چې د پلان سره به په دغو ځمکو د مالټې بڼونه او نورکرنیز کښتونه وکرل شي.