میدان وردګو کې قومي مشرانو سره د عشر او زکاتو راټولولو په موخه ناسته وشوه
٢۶ لیندۍ ۱۴۰۲ه.ش
۴ جُمَادَى الثاني ۱۴۴۵ ه.ق
د میدان وردګو ولایت د کرنې، اوبولګولو او مالدارۍ ریاست وایي، چې ددې ولایت د سید آباد ولسوالی له قومی مشرانو او سپین ږیرو سره د عشر او زکات د راټولولو په ناسته ترسره شوه.
دغه ناسته چې د یادې ولسوالی له قومي مشرانو سره ترسره شوې، د میدان وردګو ولایت د عشراوزکات چارواکو له خوا د عشر اوزکات د راټولولو په هکله د امیرالمؤمنین حفظه الله ځانګړی حکم محتوا قومي مشرانو ته بیان کړ همداراز یادو چارواکو په خپلو خبرو کې عشراو زکات ورکول یو الهي امر یاد کړل او زیاته یې کړه، چې ددې الهي امر په ترسره کولو کې باید ټول مسلمانان خپله غاړه خلاصه کړي او په دې اړه یې د اسلامي شریعت په رڼا کې ارزښت لرونکې خبرې وکړي.
همداراز قومي مشرانو ته وویل هغه کسان چې خپلو ځمکو له حاصلاتو څخه اسلامي امارت ته عشر ورکړي له دوی سره به د کرنې، اوبولګولواومالدارۍ ریاست له خوا هر اړخیزې مرستې ووشي.
په غونډه کې برخه اخیستونکو علماوو وويل، چې دوی به د ممبر له لارې خلکو ته عامه پوهاوی ورکوي او د عشر او زکات ورکړې ته به يې چې الهي امر دی هڅوي.
