میدان وردګو ولایت کې د مالدارۍ سکټور د خوندیتوب او پراختيا په پار هڅې
٦ غبرګولی ۱۴۰۲ه.ش
٧ ذو القعدة ۱۴۴۴ ه.ق
د میدان وردګو ولایت دکرنې، اوبولګولو او مالدارۍ ریاست دکرنې د پراختیا نړیوال صندوق(IFAD) په مالي او د افغانستان لپاره د هالند کمېټې په تخنیکي همکارۍ ددې ولایت د مالدارۍ سکټور خوندیتوب او پراختيا په موخه د څارویو دچنجیو ضد درملو د وېش کمپاین پیل کړي دي.
د چارواکو په خبره دغه کمپاين چې د میدان وردګو ولایت مرکز میدان ښار د بسراق له کلي څخه پیل شوی دی ٥٦٦٧ زره امریکایي ډالرو په ارزښت پر مالدارانو د چنحیو ضد دړه زره او ٦٠٠ درمل وېشل کېږي.
په دې اړه جوړه شوې غونډه کې د میدان وردګو ولایت دکرنې ریاست چارواکو د هالند کمېټې له چارواکو وغوښوتل، چې د چنجیو ضد د رملو پروسه ګړندۍ او نورو ولسوالیو ته یې ژر وغځوی او د تطبیق چارې یې بشپړې کړي.
د یادونې وړ ده، چې د میدان وردګو په ولایت کې دوه بابه د شیدو راټولو مرکزونه او دوه بابه د حیواني خوراکي توکو د تولید او پروسس مرکزونه هم د یادی کمیټې لخوا تر کار لاندې دي.
