لوگر کې د نویو کرنیزو پروژو په پلي کېدو سره، نږدې زرو کسانو ته دکار زمینه برابره شوې

mail-admin
چهارشنبه ۱۳۹۹/۵/۸ - ۱۴:۲۲
با راه‌اندازی پروژه‌های جدید زراعتی در لوگر، حدود یک‌هزار نفر صاحب کار شده‌اند
 
۸ زمری ۱۳۹۹
د لوګر ولایت د کرنې، اوبولګولو او مالدارۍ ریاست وایي، چې په دې ولایت د نویو کرنیزو پروژو د پلي کېدو چارې په بشپړېدو دي او ددغو پروژو په پلي کېدو سره نږدې زرو کسانو ته د کار زمینه برابره شوې ده.
د کرنې، اوبولګولو او مالدارۍ وزارت له خوا په ټول هېواد کې «د کرونا په پېر کې د کرنیزو محصولاتو د مدیریت د پروژې» له لارې د زرګونو نويو کرنیزو پروژو د پلي کولو چارې پیل شوې، چې د دغو پروژو له ډلې د یوشمېر هغو چارې یې ډېر ژر بشپړیږي. دغه نوي پروژې، چې د برخمن شویو کسانو په لس سلنه مالي ونډې سره پلي کیږي، په کې زرګونه ممیزخونې او د پیازو او کچالو زېرمتونونه جوړول او دمېوو او سبو لمریز وچوونکي دستګاوې شامل دي.
د لوګر د کرنې ریاست وایي، چې په دې ولایت کې د ۲۸ ممیزخونو، د پیازو د ۱۵۰ اود کچالو د ۱۴۰ زېرمتونونو د جوړلو چارې په بشپړېدو دي او ډېر ژر به ګټې اخیستنې ته وسپارل شي. دغه راز د کرنیزو محصولاتو د مدیریت د پروژې له لارې په دې ولایت کې پر یوشمېر کروندګرو مېرمنو د مېوو اوسبو ۹۹ لمریز وچوونکي دستګاوې هم وېشل شوي دي.
د لوګر د کرنې ریاست وایي، چې ددغو پروژو په پلي کېدو سره نږدې زرو کسانو ته په نېغه د کار زمینه برابره شوې او دغه راز ددې ولایت بڼوال او کروندګر ددغو پروژو له پلي کولو خوښ دي.

 

تازه ترین اخبار

پنجشنبه ۱۳۹۹/۹/۶ - ۱۳:۵۰
Background image

پکتیکا کې له ۳۵۰ مالدارانو سره د څارویو د خوراکي توکو مرسته وشوه


۶ لیندۍ ۱۳۹۹
د پکتیکا دکرنې، اوبولګولو او مالدارۍ ریاست د «ORD» موسسې په مرسته ددې ولایت له ۳۵۰ مالدارانو سره، چې کوچیان هم په کې شامل دي د څارویو د خوراکي توکو مرسته وکړه.
په دې اړه. . .

پنجشنبه ۱۳۹۹/۹/۶ - ۱۱:۱۱
Background image

هلمند کې د ګازرو حاصلات ډېر شوي


۶ لیندۍ ۱۳۹۹
د هلمند ولایت د کرنې، اوبولګولو او مالدارۍ ریاست د معلوماتو له مخې، په دې وروستیو کې په یاد ولایت کې د ګازرو کرکېله او حاصلات ډېر شوي دي.
د هلمند د کرنې ریاست د ارزونې له. . .

پنجشنبه ۱۳۹۹/۹/۶ - ۱۰:۸
Background image

ننګرهار کې د مالدارۍ سکټور د غوړېدا په پار هڅې

۶ لیندۍ ۱۳۹۹
د ننګرهار د کرنې، اوبولګولو او مالدارۍ ریاست چارواکي وایي، چې د مالدارۍ سکتور د پراختیا په پار یې هڅې پیل کړي دي، چې ورځ تر بلې یې وضعیت په ښه کېدو دی.
د ننګرهار د کرنې. . .

بازگشت