لوګر کې د کرنیزو محصولاتو بيې ټاکلو په پار دویمه غونډه دائره شړه
٢١ زمری ۱۴۰۲ه.ش
٢٥ مُحَرَّمُ الحَرام ۱۴۴۵ه.ق
د لوګر دکرنې، اوبولګولو او مالدارۍ ریاست وایې، چې لوګر ولایت کې د کرنیزو ځمکو څخه د لاسته راغلو حاصلاتو د پلور، بازار موندنې او ورته ځانګړې بیې ټاکلو په پار د همغږۍ ګډه ناسته تر سره شوه.
په همدی موخه د لوګر ولایت د کرنې، اوبولګولو او مالدارۍ ریاست په مقام کې د لوګر د کرنې او مالدارۍ رییس مولوی سید امین هاشمی پر مشرۍ ګډه ناسته جوړه شوی وه، چې پکې د لوګر ښاروالۍ، صنعت او سوداکرۍ، سوداګرۍاوپانګونې خونې، مستوفیت، امنیتي چارواکو، پانګوالو او ګڼو بزګرانو ګډون کړی وو.
په ناسته کې د پانګوالو او بزګرانو پر ستونزو او ورته د حل لاری موندلو همدا راز په دغه ولایت کې د کرنیزو ځمکو څخه د لاسته راغلو حاصلاتو په ځانګړی توګه د رومیانو د پلور او ورته د بازار موندنې او ټاکلي بيې معلومولو اړوند لازمي خبرې اترې وشوې.
باید وویل، شي د ناستې په لړ کې د اړوندو ادارو څخه چې د پانګوالو او بزګرانو استازي یې غړیتوب لري د رومیانو بیې ټاکلو لپاره کمیټه وټاکل شوه تر څو د هرې ورځې لپاره بیه وټاکي پانګوالو او بزګرانو ته یې اعلان کړي، هیڅوک حق نلري چې له ټاکلي بیې څخه سر غړونه وکړي د سرغړونې په صورت کې قضایي او عدلي ارګان ته ورپېژندل کېږي او د لوګر د کرنې او مالدارۍ ریاست او اړوندو ادارو لخوا به له پروسې کلکه څارنه کېږي.
همدا راز د رومیانو د بارګیری لپاره ځانګړې اډې مشخص شوي تر څو پانګوال پکې د رومیانو بارګیري وکړي.
