لوګر کې د ځمکې د غصب مخنیوی او غصب شویوځمکو د استرداد تخنیکي پلاوی غونډه دائر شوه
۱۹ چنګاښ ۱۴۰۲ه.ش
۲۲ ذیالحِجّة ۱۴۴۴ ه.ق
لوګر کې د امارتي ځمکو د غصب مخنیوی او غصب شویو ځمکو د بېرته راګرځولو تخنیکي پلاوی اونیزه غونډه دائر شوه.
په جوړه شوې غونډه کې دلوګر د کرنې او د غصب مخنیوی تخنیکی پلاوی رییس مولوی سید امین هاشمي سربېره د حج او اوقافو رییس، د کار او ټولنیزو چارو رییس، ښار جوړونې رییس، مستوفیت رییس، د امنیې قومندانۍ امنیت آمر ،د قضای امارت آمر او د کدستر عمومي مدیر ګډون کړی وو، او پر بیلا بیلو موضوعاتو د بحث ترڅنګ هغه اسناد چې له خلکو تر لاسه شوی وو وڅېړل شول.
ددې غونډې په ترڅ کې د لوګر ولایت د مرکز پُل علم اړوند بابوس سیمې پر دوسیو چې ځینو مربوطه ادارو څخه په پوښتنلیک کې د معلوماتو غوښتنه شوې وه له ځوابولو وروسته وڅیړل شول. همداراز د هوني سفلا د سیمې دوسیه چې هم په محکمه او هم د غصب مخنیوی تخنیکی پلاوي سره جریان لري تصمیم ونیول شو تر څو له محمکې سره په همغږۍ کارونه پر مخ یوړل شي.
په دې غونډه کې همدا راز دلوګر ولایت مرکز پُل علم ښار د لرګیو پلورنځیو سیمې دوسیه چې د امارتي ځمکو د غصب مخنیوی کمیسیون څخه له فیصلې وروسته بېرته د یاد ولایت تخنیکي پلاوي ته راجع شوي تصمیم ونیول شو تر څو فیصله په سیمه کې تطبیق شي.
باید وویل شي، چې د لوګر ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
