لغمان کې لسګونو مالدارانو سره د څارویو د خوراکي توکو مرسته وشوه
۱۱ وږی ۱۴۰۳ه.ش
۲۸ صَفَر المُظَفَّر ۱۴۴۶ه.ق
د لغمان دکرنې، اوبولګولو او مالدارۍ ریاست؛ د افغانستان لپاره د هالند کمیتې په همکارۍ ددې د ولایت د علینګار او قرغیو ولسوالیو پر۱۷۲ تنو اړمنو مالدارانو د څارویو خوراکي توکي ووېشل.
د لغمان د کرنې رییس مولوی عبدالستار محمد د یادې مرستندویه مؤسسې له مسؤلینو څخه د مننې ترڅنګ هغوی ته د هر راز همکارۍ ډاډ ورکړ او مالدارانو ته یی په خطاب کې وویل: «کومه مرسته چه تاسو ته درکول کېږي باید تخنیکي لارښونو سره سم خپلو مالونو ته ورکړئ.»
باید وویل شي، چې د دې پروسې په لړ کې پر هر مالدار د څارویو ۱۰۰ کیلوګرامه خوراکي توکي وېشل شوی دی.
په لغمان کې ددغه راز مرستو څخه موخه د مالدارانو لاس نیوی، د مالدارۍ سکټور د پیاوړتیا او د لبني محصولاتو د زیاتوالۍ ښودل شوی دی.
ویل کېږي برابرشوي خوراکي توکي له زیاتو تغذیه کوونکو توکوڅخه جوړ شوي دي، چې د وريو په چاقولو کې به اساسي رول ولري.
هیره دی نوی یادې مرستې په داسې حال کې وېشل کېږي، چې له دې وړاندې هم ددې ولایت په ځینو ولسوالیو کې مالدارانو ته دغه شان مرستې وېشل شوې وې.
