لغمان کې د ځمکې غصب او غصب شويو ځمکو بېرته راکرځولو کمېټې غونډه دائره شوه
۱۲ وږی ۱۴۰۳ه.ش
۲۹ صَفَر المُظَفَّر ۱۴۴۶ه.ق
لغمان کې د ځمکې غصب او غصب شويو ځمکو بېرته راکرځولو کمېټې غړو د لغمان دکرنې رييس مولوي عبدالستار محمد په مشرۍ د ددې ولایت دکرنې ریاست کې خپله غونډه دائره کړه.
د غونډې په پيل کې د لغمان دکرنې رييس او د کمېټې مشر مولوي عبدالستار محمد لارښوونکې وينا ويلو ترڅنګ د تېرې غونډي دپريکړو دتطبيق ارزونه وکړه.ښاغلی محمد په خپلو خبرو کې زیاته کړه: «موږ او تاسو ته د امارتي ځمکو د غصب مخنیوی، تثبیت او تشخیص یو دروند مسوولیت راسپارل شوی دی، دغه چاره پر وخت د لایحې او لارښود مطابق ترسره او په دې برخه کې باید خپلې هلې ځلې لاپسې کړندۍ کړو.»
د غونډې په ترڅ کې یاد پلاوي د بدني روزنې آمریت له تخنیکي پلاوي سره وکتل او دغه راز دقرغیو ولسوالی د الیاس خیلو او بیټني قومونو د سرک او دغره په سر، دشمکټ، فراشغان او کارک سیمو د غره په سر د رامنځته شوو دوسیو باندې بحث او خبرې وشوې.
دغه راز د غونډې په ترڅ کې پر یوشمېر نورو مهمو موضوعاتو هم خبرې وشوې او د عاریضونو دوسیې او ستونزې وڅېړل شوې.
د غونډې په وروستیو کې یو لړ نورو دوسیو او عرایضو په څیړلو بحث او خبرې وشوي په هکله د لارښود مطابق تصمیم ونیول شو.
