زابل کې د ځمکو د غصب مخنیوي او غصب شویو ځمکو د تشخیص او تثبیت تخنیکي پلاوی کړنې
۱ غبرګولی ۱۴۰۲ه.ش
۲ ذو القعدة ۱۴۴۴ ه.ق
دزابل ولایت د ځمکو د غصب مخنیوي او غصب شویو ځمکو د تشخیص او تثبیت تخنیکي پلاوی د خپلو فعالیتونو په دوام د زابل مرکز کلات اړوندو سیمو کې پر امارتي ځمکو جوړې شوي ودانۍ ونړول.
د زابل ولایت د غصب مخنیوي او غصب شوو ځمکو د تشخیص او تثبیت تخنیکي پلاوی په زابل ولایت کې د مشکوکو امارتي او عامه ځمکو د غصب مخنیوي په پار د دقیق سکېچ، کروکي، څلور خواوو او مساحت اخیستلو لپاره ګرځنده تخنیکي ټیم بېلابېلو سیمو ته سفرونه ترسره کوي، خلکو ته د عامه پوهاوی ترڅنګ دوی ته هر اړخیز معلومات ورکوي.
د زابل ولایت د کرنې رییس او د ځمکې غصب تخنیکي پلاوي مشر مولوی عطاءالله راشد وویل چې د څه موده مخکې یې د یادو دولتي ځمکو غصب کوونکو ته څو ځله خبر ورکړئ وو چې خپل اسناد دي اړوندو ادارو ته وسپاري خو دوی د څو ځله خبرتیا سره سره بیا هم ځانونه حاضر نکړل په همدې موخه د زابل ولایت د غصب د مخنیوي کمیټه د ټولو غړو د پرېکړې په اساس په عملي توګه اجراات تر سره شول او ۴۰جریبه امارتي ځمکه د مرکز قلات جونب غرب او شمال غرب طرف ته را وګرځول شوه او په خپلسري توګه جوړ شوي تاسیسات ونړول شول.
ښاغلي راشد همدارنګه وویل چې د دولتي ځمکو د غصب د مخنیوي لړۍ به جاري وساتي او هیچاته به اجازه ورنکړل شي، چې دولتي ځمکې غصب کړي.
باید وویل شي، چې دزابل ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
