روزګان کې یوشمېر قصابانو ته عامه پوهاوی ورکړل شو
۲۶ غویی ۱۴۰۲ه.ش
۲۶ شَوّال المُکَرَّم ۱۴۴۴ ه.ق
د اروزګان دکرنې، اوبولګولو او مالدارۍ ریاست د مالدارۍ آمریت مسلکي کارکوونکو له خوا ددې ولایت یوشمېر قصابانو ته د کانګو تبې په هکله عامه پوهای ورکړل شوی دی.
د چارواکو په خبره د روزګان ښار قصابانو ته د کانګو CCHF ناروغې اړوند عمومي معلومات وړاندي شوی، او ورته د حفاظت په اړه توصیه شوی دی.
داچي یاده ناروغۍ یوه ساري ویروس او خپریدونکي ناروغي ده او د انسان د مړینې لامل ګرځي چي اصل منبع یې حیوانات دي او د حیواناتو څخه انسانانوته لېږي او بیا د انسان څخه نورو انسانانو ته انتقال مومي او علایم یې لوړه تبه، سردردي، زړه بد والی او وینه بهېدنه ده، او زیات شمیر قصابان، حيواني روغتیایې ډاکتران، ویترنران کروندګر، روغتیایی کارکوونکي او نور په اخته کېږي .
د دي ناروغۍ اړوند د مرکز ترينکوټ ښار ټولو قصابانو ته د ناروغۍ په اړه عامه پوهاوي د ناروغۍ معرفت، منبع، نښي نښانې، د مخنیوي لاري چاري وښودل شول
د یادو معلوماتو ترڅنګ د نوموړي ناروغۍ په اړه جوړ شوي بروشرونه او د تشویق په موخه کتابچي چي په کي د کانګو ناروغۍ هر اړخیز معلومات لیکل شوي هم وېشل شوي دي.
