د کونړ نرنګ کې د بېوزله کورنیو د ملاتړ په پار هڅې؛ ۱۰۰ کورنیو ته د چرګانو واړه فارمنه جوړو شول
۲۸ چنګاښ ۱۴۰۲ه.ش
۲ مُحَرَّمُ الحَرام ۱۴۴۵ه.ق
د کونړ ولایت دکرنې، اوبولګولو او مالدارۍ ریاست د کرنې د پراختیا نړیوال صندوق په مالي او د افغانستان لپاره د هالنډ کمېټې په تخنیکي همکارۍ ددې ولایت د نرنګ ولسوالی په بېلابېلو کلیو کې ۱۰۰بېوزلې، کونډې او معیوبو ښځو ته د دوی دکورني اقتصاد د پیاوړتیا په پار د هګیو چرګانو واړه فارمونه جوړ کړي دي.
د کونړ ولايت د کرنې، اوبولګولو او مالدارۍ رياست د چارواکو په خبره ددې مرستې په لړ کې د کونړ ولایت د نرنګ په لسوالی کې ۱۰۰ کورنيو ته د هګۍ ورکوونکو چرګانو ۳۰ قطعه يې فارمونه ووېشل شول.
په يادو فارمونو کې هر کس ته ۳۰ هګې ورکوونکي چرګان،۱۵۰ کیلوګرامه د چرګانو معياري خوراکه، د دانې خوړولو لوښې، د اوبو خوړولو لوښې او نور توکي ورکړل شوي دي.
د کونړ دکرنې ریاست چارواکي وایي، چې ددې مرستې لړۍ به د کونړ ولایت د مرکز ترڅنګ نورو ولسوالیو ته هم وغځېږي.
ددغو مرستو موخه په دې ولایت کې د چرګانو روزنې صنعت ته پیاوړتیا ورکول او د بېوزله او کونډو مېرمنو اقتصادي ودې ته زمینه برابرول دي.
