د کندهارمعروف کې پر بزګرانو د غنمو اصلاح شوي تخم او کیمیاوي سرې ووېشل شوې

د کندهار د کرنې، اوبو لګولو او مالدارۍ ریاست په همغږۍ او د یو خصوصي خیریه بنسټ په مالي ملاتړ، په معروف ولسوالۍ کې (۵۰) غریبو او سیلاب ځپلو بزګرانو ته د غنمو اصلاح شوی تخم او کیمیاوي سره ووېشل شوه. هر بزګر ته ۱۰۰ کیلوګرامه د غنمو تخم، ۲۰۰ کیلوګرامه سپینه سره، ۱۰۰ کیلوګرامه توره سره او ۶ زره افغانۍ نغدي مرسته ورکړل شوه.
په دې مرستو کې هغه بزګران شامل دي، چې څلور جریبه ځمکه لري او د کښت کولو وس نه لري. یادې مرستې سره به روان کال په یاده سیمه کې کرنه ترسره شي. دا اقدام د بزګرانو د اقتصادي وضعیت ښه کولو او ملاتړ په موخه شوی دی.
دا په داسې حال کې ده چې د کرنې ریاست اوس د کرنې او مالدارۍ سکتور ته زیاته پاملرنه کوي. تېره ورځ هم په ارغنداب ولسوالۍ کې (۱۰۰۰) بزګرانو ته عضوي سره وېشل شوې وه.