د کرنې وزیر د ملګرو ملتونو د پراختیايي پروګرام له نوي استازي سره وکتل

user-admin
پنجشنبه ۱۴۰۵/۷/۹ - ۱۳:۱۸
دیدار وزیر زراعت با نماینده جدید برنامه توسعه سازمان ملل متحد

٩ تله ۱۴۰۵ هـ.ش

١٨ رَبِیعُ الْثاني ۱۴۴۸ هـ.ق

د کرنې، اوبو لګولو او مالدارۍ وزیر مولوي عطاءالله عمري په افغانستان کې د ملګرو ملتونو د پراختیايي پروګرام (UNDP) له نوي استازي تورهان صالح سره وکتل او د کرنې، مالدارۍ او اوبو لګولو په برخو کې د همکاریو پر پراختیا او د پراختیايي پروګرامونو پر پلي کېدو یې خبرې اترې وکړې.
د کرنې وزیر په دې لیدنه کې د کرنې، مالدارۍ، اوبو لګولو او د کرنیزو محصولاتو د بازارموندنې په برخو کې پر لا ډېرو همکاریو ټینګار وکړ او ویې ویل، چې افغانستان چمتو دی خپل کرنیز محصولات د نړۍوالو معیارونو له مخې تولید او صادر کړي. نوموړي په دې برخه کې د بازار نشتوالی له اساسي ننګونو څخه وباله.
مولوي عطاءالله عمري د جګړو او بې‌ثباتیو له امله رامنځته شوو زیانونو ته په اشارې سره وویل، چې د هېواد کرنه لا هم په ډېرو برخو کې په لومړني حالت کې ده، مالداري په دودیزه توګه ترسره کېږي، د اوبو مدیریت معیاري نه دی او د هېواد ځمکې هم په بشپړه توګه سروې شوې نه دي.
هغه زیاته کړه، چې په وروستیو کلونو کې د مالدارۍ، د کرنې د پراختیا، د کانالونو او چکډېمونو د جوړولو او د ځمکو د مدیریت په برخو کې یو شمېر کارونه ترسره شوي، خو د شته اړتیاوو د پوره کولو لپاره د دغو فعالیتونو دوام او پراختیا اړینه ده.
په همدې حال کې، په افغانستان کې د ملګرو ملتونو د پراختیايي پروګرام استازي تورهان صالح د هېواد په اقتصادي پراختیا کې د کرنې ارزښت مهم وباله او په بېلابېلو برخو کې یې پر همکاریو ټینګار وکړ. نوموړي وویل، چې د کرنې، مالدارۍ، برېښنا او انرژۍ په برخو کې به همکاري او فعالیتونه ولري.
تورهان صالح شاوخوا درې میاشتې وړاندې په افغانستان کې د ملګرو ملتونو د پراختیايي پروګرام د نوي استازي په توګه معرفي شوی دی.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت